Liber Secundus Samuelis*
Caput 1: Versus 22
A sanguine interfectorum.Sanguis et adeps robur praestant corpori, ita illi fortitudinem dabant subjectis, a quibus Saul et Jonathas interfecti sunt quasi non a rusticis. Vel ita Saul reprobatus est a Deo, et ab incircumcisis viliter interfectus, tanquam non esset unctus oleo, propter sanguinem interfectorum, scilicet septuaginta quinque sacerdotum qui Domino adipem adolebant, quos innoxios jussit Saul interfici.Sagitta.Jonathan et Saul bellicosos et fortissimos significat fuisse, et laudat in eis decorem formae et constantiam animi.[RAB.]Allegorice. Pius propheta David figuraliter deflet Saul et Jonathan, etc., usque ad ne iterum ignominiose superati, gaudium inimicis faciant.